स्थानीय सामूदायिक वन समितिको अवरोधको कारण निर्माणाधिन मध्येपहाडी लोकमार्ग निर्माण कार्य ठप्प

रोशन बोगटी साउन ३१ २०८०, बुधबार ०८:५०

स्थानीय सामूदायिक वन समितिको अवरोधको कारण नुवाकोटमा निर्माणाधिन मध्येपहाडी लोकमार्ग अन्तर्गत पिपलटार ( देउडी खण्डको २० किलोमिटर निर्माण कार्य ठप्प भएको छ ।

मध्येपहाडी लोकमार्ग अन्तर्गत नुवाकोटमा ६० किलोमिटर कालोपत्रे सडक निर्माण तथा विस्तार भैरहेकोमा मान्द्रेढुंगास्थित सुनादेवी सामूदायक वनको कारण पिपलटार ( देउडी खण्डको २० किलोमिटर सडक निर्माणकार्य अवरुद्ध भएको हो । बिदुर नगरपालिका ६ मान्द्रेढुंगास्थित उक्त सामूदायिक वन क्षेत्रमा पर्ने चेनेज नम्वर ४ प्लस ६०० देखि ६ प्लस ००० सम्मको १४ सय मिटर क्षेत्रमा रुख कटानको लागि लगत संकलन कार्यमा खटिएका कर्मचारी टोलीलाई समितिद्धारा वन प्रवेशमा रोक लगाएका कारण निर्माण कार्य पूर्णरुपमा प्रभावित भएको छ ।

लोकमार्गको पिपलटार ( देउडी खण्ड अन्तर्गत पिपलटारबाट बुनीवेशी – मुलथला ( रानीस्वाँरा हुँदै देउडीसम्मको निर्माण कार्य १०र १० किलोमिटर दुईवटा प्याकेजगरी एकअर्व ३५ करोड लागतमा निर्माण भैरहेको हो । व्यक्तिगत तथा आवादी क्षेत्र छलाउँदै निर्माण भैरहेको लोकमार्गको विदुर नगरपालिका ६ स्थित अघिल्लो खण्ड बुनिवेशी – मुलथला वनक्षेत्रमा निर्माण हुने लोकमार्गको कारण सडक निर्माणको क्रममा मान्द्रेढुंगाको बस्ति पहिरोको जोखिम्मा पर्नेभन्दै सडक निर्माण कार्यमा समितिद्धारा अवरोध भएको हो । राज्यद्धारा बस्तिको शुरक्षाको प्रत्याभुति नभई निर्माण कार्य असहज हुने स्थानीय जनप्रतिनीधिले बताए ।

विदुर नगरपालिका वडा नम्वर ५ पिपलटारबाट बुनिवेशी ( मुलथला ( रानीस्वाँरा हुँदै वडानम्वर १३ देउडी जोड्ने मध्येपहाडी लोकमार्गमा सुनादेवी लगायत झण्डै आधादर्जन सामूदायिक वन समिति पर्दछन् । तर अन्य सामूदायिक वन क्षेत्रमा कुनै समस्या छैन । तर वन बिभागद्धारा लोकमार्गको दुवै खण्डको बातावरणिय प्रभाव मुल्यांकन र रुख कटानी आदेश लगायत सम्पूर्ण काम मन्त्री परिषदद्धारा एकैपटक निर्णय गराउने विभागिय तयारीका कारण लोकमार्गको दुवैखण्डको निर्माण कार्य अवरुद्ध भएको छ । दुवैखण्डको निर्णय एकैपकट गर्ने विभागिय तयारी तथा अडानसंगै पछिल्लो मुलथला ( रानीस्वाँरा क्षेत्रको १० किलोमिटर खण्डको काम पनि प्रभावित भएको हो । जसको कारण अहिले पिपलटार ( देउडीको २० किलोमिटरमा निर्माण कार्य अवरुद्ध हँुदैआएको छ ।