विदुर खानेपानी तथा सरसफाई उपभोक्ता संस्थाको चुनावमा सञ्जिब बहादुर श्रेष्ठको प्यानलै अगाडी
विदुर खानेपानी तथा सरसफाई उपभोक्ता संस्थाको हिजो भएको निर्वाचनको मतगणना जारी रहेको छ । ८४७ मत गणना हुँदा सञ्जिब बहादुर श्रेष्ठको प्यानलै अगाडी देखिएको छ । एमाले–राप्रपा गठबन्धनले अग्रता लिएको हो । काँग्रेस–माओवादी–एकीकृत समाजवादी गठबन्धनका उम्मेदवार पछाडी परेका छन् ।
सबै भन्दा बढी मतान्तर (२६९) सचिव पदमा देखिएको छ भने कम मतान्तर (७०) सदस्य पदमा छ ।
अध्यक्षमा सञ्जिब बहादुर श्रेष्ठ (एमाले) ले ५२४, छत्रराज डंगोल (काँग्रेस) ले २८५ मत पाएका छन् । अध्यक्ष पदमा दुई जना बीच २३९ को मतान्तर रहेको छ ।
उपाध्यक्षमा श्रेष्ठ प्यानलका महेशकुमार डंगोल (राप्रपा) ले ३७०, डंगोल प्यानलका नवराज न्यौपाने (भर्खरै एमाले त्यागेका) ले ३३९ र मुरारी नेपाल (स्वतन्त्र) ले ८२ मत पाएका छन् । उपाध्यक्ष पदमा पहिलो र दोश्रो बीच ३१ को मतान्तर रहेको छ ।
सचिवमा श्रेष्ठ प्यानलका राजेन्द्र पाण्डे (एमाले) ले ५३० र डंगोल प्यानलका नरेशबहादुर डंगोल (ए. समाजवादी) ले २६१ मत पाएका छन् । सचिव पदमा पहिलो र दोश्रो बीच २६९ को मतान्तर रहेको छ ।
कोषाध्यक्षमा श्रेष्ठ प्यानलका अम्बिका चित्रकार खनाल (एमाले) ले ४५५ र डंगोल प्यानलका रविता भट्ट (माओवादी) ले ३२४ मत पाएका छन् । कोषाध्यक्ष पदमा पहिलो र दोश्रो बीच १३१ को मतान्तर रहेको छ ।
महिला सदस्यमा श्रेष्ठ प्यानलका दुई जनाले नै अग्रता लिएका छन् । बिष्णुमाया डंगोल (एमाले) ले ४८२ र सीता अधिकारी (एमाले) ले ४४६ मत पाएका छन् । डंगोल प्यानलका शान्ती श्रेष्ठ (ए. समाजवादी) ले २९७ र शुसिला पौडेल (काँग्रेस) ले २९३ मत पाएका छन् । दुई जना निर्वाचित हुने यस पदमा पहिलो र तेश्रो बीच १८५, दोश्रो र तेश्रो बीच १४९ मतान्तर रहेको छ ।
सदस्यहरुमा श्रेष्ठ प्यानलका तीन जना नै अगाडी छन् । दीपकबहादुर तिम्सिना (एमाले) ले ४५०, लबप्रसाद न्यौपाने (एमाले) ले ४१५ र कृष्णप्रसाद भट्ट (एमाले) ले ४१३ मत पाएका छन् । डंगोल प्यानलका रामजी भट्ट (काँग्रेस) ले ३४५, राजेन्द्र सापकोटा (काँग्रेस) ले ३०१ र पदमकान्त न्यौपाने (माओवादी) ले २५९ मत पाएका छन् । बिमल खड्का (स्वतन्त्र) ले ४५ मत पाएका छन् । तीन जना निर्वाचित हुने यस पदमा पहिलो र तेश्रो बीच १०५, दोश्रो र तेश्रो बीच ७० मतान्तर रहेको छ ।
हिजो रातीबाट इलम प्रशिक्षण केन्द्रको परिषर विदुरमा मत गणना भइरहेको छ । ३ हजार १४१ मतदाता रहेको खानेपानी संस्थाको हिजोको चुनावमा २ हजार ३२५ (७४ प्रतिशत) मत खसेको थियो । अब १ हजार ४७८ मत गणना हुँन बाँकी रहेको कार्यालय प्रमुख राजकुमार तिमिल्सिनाले जानकारी दिएका छन् ।
क्याटेगोरी : समाचार
ट्याग : #hot 100, #Hot100
थप समाचार
धेरै पढिएका
प्रतिक्रिया दिनुहोस