किस्पाङ गाउँपालिका वडा नम्बर ५ किर्नेबगरमा यात्रुवाहक बस दुर्घटना हुदाँ ६५ जनाभन्दा धेरै घाईते भएको छ ।
घाईतेमध्ये ७ जनालाई काठमाडौँ रेफेर गरिएको छ भने चार गम्भीर घाईतेलाई हेलीकप्टर मार्फत काठमाडौँ लाने तयारीमा रहेको त्रिशुली अस्पतालका मेडिकल सुपरीटेन्डेन डा. दिपेन्द्र पाण्डेले जानकारी दिए ।
साल्मेबाट काठमाडौं जादैं गरेको टिमुरे यातायातको प्रदेश ३ ०१-००६ -ख १५४१ बस दुर्घटना भएको हो । बस सडकबाट करिब २०० मिटर तल खसेर खेतमा पुगेको थियो ।
सडकको कुनामा सामान रहेकोले चालकले छेउ च्यापेर लादाँ सडक भासिन गइ दुर्घटना भएको टिमुरे यातायातका अध्यक्ष ओमप्रकाश जोशीले जानकारी दिए । दुर्घटनामा परि चालक पनि घाईते भएका छन् ।
दुर्घटनास्थलमा नेपाली सेना, नेपाल प्रहरी, स्थानीयबासी लगायत तत्काल उद्धारमा खटेका थिए ।
क्याटेगोरी :
समाचार
थप समाचार
धेरै पढिएका
प्रतिक्रिया दिनुहोस