लिखु गाउपालिकाका ५० जना अपाङ्गता भएका ब्यक्तिहरुलाई खाद्यान्न बितरण
लिखु गाउपालिकाका ५० जना अपाङ्गता भएका ब्यक्तिहरुलाई खाद्यान्न बितरण गरिएको छ ।
सोमबार एक कार्यक्रमको बिच लिखु गाउपालिकाका भित्र रहेका अपाङ्गता भएका व्यक्तिहरु मध्ये अति बिपन्न, दलित तथा जनजातीहरु छनौट गरि ५० जनालाई खाद्यन्न बितरण गरिएको हो । अपाङ् सेवा संघको आयोजना, जुनकिरी म्यूजिक प्राली र समाजसेवी धनकुमारी थापा सरुको संयोजन तथा लुम्विनी बिकास बैंक केन्द्रिय कार्यालयको आर्थिक सहयोगमा अपाङ्गता भएका ब्यक्तिहरु लाई चामल, नुन, तेल, चिनी चियापत्ती लगायतको खाद्य सामाग्री बितरण गरिएको हो । खाद्यान्न बितरण कार्यक्रमलाई संबोधन गर्दै प्रदेशसभा सदस्य कल्पना नेपालीले अपाङ् हुदैमा कोही असक्षम नहुने बताउनु भएको छ । उहाले आफु अपाङ् छु भनेर आफुलाई कहिले कमजोर नबनाउन समेत आग्रह गर्नुभभएको छ ।
यस्तै लिखु गाउपालिकाका अध्यक्ष धु्रव श्रेष्ठले सपाङ्को जत्तिकै अधिकार अपाङ्ता भएका व्यक्तिहरकोको पनि रहेको बताउनुभएको छ । उहाले लिखु गाउपालिकाले अपाङ्गता भएका ब्यक्तिहरुलाई आत्मनिर्भर बनाउन बिभिन्न किसिमका तालिमहरु ल्याएको र आगामी दिनमा सोही कार्यक्रमलाई निरन्तरता दिन गाउँपालिकाले १० लाख रुपैयाा रकम छुट्टाएको बताउनुभएको छ । अपाङ्गता भएका व्यक्तिहरुलाई क्षमताले भ्याउने सिप मुलक कार्यहरुमा लाग्न गाउँपालिकाले प्रेरित गरिरहेको उहाँले बताउनुभएको छ ।
कार्यक्रममा लिखु गाउपालिकाका प्रमुख प्रशासकीय अधिकृत भिमबहादुर रोक्काले अपाङ्गता भएका व्यक्तिहरुलाई भावनात्मक सहयोगको सबै भन्दा वढी आवस्यक पर्ने भएकोले त्यसमा सम्वन्धित निकायले ध्यान दिनुपर्ने बताउनुभएको छ ।
कार्यक्रममा लिखु गाउपालिका वडा नमबर १ का वडा अध्यक्ष नरहरी पाण्डे, वडा नम्बर ६ का वडा अध्यक्ष हरिशरण लामिछाने, सामाजिक विकास शाखा प्रमुख पार्वती उप्रेती लगायतले अपाङ्गता भएका व्यक्तिहरुलाई यसैगरी सहयोगि हातहरु बढ्नु पर्ने बताएका छन् । लिखु गाउपालिकामा महिला र पुरुष गरि ३ शय ८१ जना अपाङ्ता भएका ब्यक्तिहरु रहका छन् ।
क्याटेगोरी : देश, समाचार, समाज
ट्याग : #hot 100
थप समाचार
धेरै पढिएका
प्रतिक्रिया दिनुहोस