बलिउड अभिनेता ऋतिक रोशन र अभिनेत्री कंगना रनावतबीच आपसमा जुहारी
मुम्बई : बलिउड अभिनेता ऋतिक रोशन र अभिनेत्री कंगना रनावतबीच आपसमा जुहारी चलिरहन्छ । कुनै समय उनीहरू प्रेमसम्बन्धमा रहेको खबरले बलिउड तातेको थियो । आजकल उनीहरूको विवाद छताछुल्ल हुने गरेको छ । कंगनाको चलचित्र ‘मेन्टल कै क्या’ र ऋतिक अभिनीत ‘सुपर ३०’ एकै मिति अर्थात् जुलाई २६ मा रलिज हुने भएपछि उनीहरूको विवाद फेरि चुलिने अनुमान लगाइँदै छ ।
कंगनाको चलचित्र जुन २१ मा रिलिज हुने भनिए पनि जुलाई २६ मा सारिएको छ । ‘मेन्टल कै क्या’ को निर्माण टिमले रिलिज मिति जानीजानी एकै समयमा नपारेको बताएको छ । यो खबरले दर्शक र फ्यानलाई फेरि तताउने पक्का छ । सुपर ३० ले पनि अब मिति नसार्ने जनाएको छ । यसले बक्स अफिसमा पनि नकारात्मक असर पर्ने अनुमान गर्न सकिन्छ ।
क्याटेगोरी : मनोरञ्जन, समाचार
थप समाचार
धेरै पढिएका
प्रतिक्रिया दिनुहोस