‘लौ पैसा नकमाउत, दुनियाँ चिनिन्छ’ : समाजको यथार्थ बोल्ने गीत सार्वजनिक
काठमाडौँ । ‘लौ पैसा नकमाउत, दुनियाँ चिनिन्छ’ बोलको नयाँ म्युजिक भिडियो सार्वजनिक भएको छ। समाजमा पैसाको बढ्दो प्रभाव र त्यसले मानिसको पहिचानमा पार्ने असरलाई गीतले यथार्थपरक ढंगले प्रस्तुत गरेको छ।
शिवम् भण्डारी र संजीव अधिकारीको स्वरमा सजिएको उक्त गीतमा संगीत पनि शिवम् भण्डारीकै रहेको छ। गीतका शब्द संजीव अधिकारी र शिवम् भण्डारीले संयुक्त रूपमा रचना गरेका हुन्। एरेन्ज किरण कँडेलले गरेका छन् भने रेकर्डिङ, मिक्सिङ तथा मास्टरिङ शम्भु राज टण्डुकारले गरेका हुन्। कोरसमा निशाल अधिकारी, सुरज बैजु र सरोज मगरको साथ रहेको छ। गीत प्रज्ञा साउन्ड स्टुडियोमा तयार गरिएको हो।
भिडियोतर्फ दिवस नाथ र प्रबित्रा शांकी (मिस पबी) को अभिनय देख्न सकिन्छ। भिडियोको कथा र निर्देशन पनि दिवस नाथले नै सम्हालेका छन्। भिडियोमा पैसाको अभाव र त्यसले सिर्जना गर्ने सामाजिक व्यवहारलाई भावनात्मक रूपमा चित्रण गरिएको छ।
मेकअपतर्फ प्रतीक्षा खात्री, उर्बी फुलारा र एकता भण्डारीको योगदान रहेको छ। छायांकन तथा VFX कबिर ओडले गरेका छन् भने सम्पादन तथा कलर कमल सुनारले गरेका हुन्। उत्पादन व्यवस्थापन पनि कमल सुनारकै रहेको छ। आर्टतर्फ फ्लावरमाण्डु इभेन्ट एन्ड डेकोरेसनको सहयोग रहेको छ भने पोस्ट–प्रोडक्सन वन टेक प्रोडक्सन हाउसले गरेको हो।
समग्रमा, ‘लौ पैसा नकमाउत, दुनियाँ चिनिन्छ’ ले वर्तमान समाजमा पैसाले निर्धारण गर्ने सम्बन्ध, प्रतिष्ठा र पहिचानको कथा प्रभावकारी रूपमा प्रस्तुत गरेको छ। गीतमार्फत दर्शकले सामाजिक यथार्थलाई नजिकबाट महसुस गर्ने अपेक्षा गरिएको छ।
क्याटेगोरी : भिडियो, मनोरञ्जन, समाचार
थप समाचार
धेरै पढिएका
प्रतिक्रिया दिनुहोस