नुवाकोट–काठमाडौंलाई जोड्ने महत्वपूर्ण छहरे–टोखा सडक खण्डमा पछिल्लो समय सवारी दुर्घटनाहरू तीव्र गतिमा बढिरहेका छन्। चाडपर्व नजिकिँदै जाँदा यात्रुहरूको चाप बढेसँगै माइक्रो, सुमो र बसहरू तीव्र गतिमा चलाउने प्रवृत्ति देखिएको प्रहरीको भनाइ छ। यात्रुलाई समयमा गन्तव्य पुर्याउने हतारो र बढी यात्रु टिप्ने प्रतिस्पर्धाले दुर्घटनाको जोखिम अझ बढाएको छ।
विशेषगरी साँघुरो मोड, कमजोर सडक संरचना र चालकहरूको लापरबाहीका कारण दैनिकजसो दुर्घटनाका घटना हुने गरेका छन्। यसले यात्रुहरूको जीवनलाई जोखिममा पार्नुका साथै ट्राफिक व्यवस्थापनमा पनि चुनौती थपिएको छ।
यात्रु सुरक्षालाई प्राथमिकता दिन प्रहरी प्रशासनले चालकलाई गति नियन्त्रण गर्न आग्रह गरेको छ। साथै, चाडबाडमा सचेतना कार्यक्रम सञ्चालन गर्ने तयारीसमेत गरिएको जानकारी दिएको छ।
यसैबीच, स्थानीय बासिन्दाले सडकमा ट्राफिकको चाप बढ्ने भएकाले प्रशासनले निगरानी र नियन्त्रण अझ कडाइका साथ गर्नुपर्ने माग गरेका छन्।
सरोकारवालाहरूका अनुसार सुरक्षित यात्रा सुनिश्चित गर्न चालक, यात्रु तथा सम्बन्धित निकाय सबैले जिम्मेवारीपूर्वक आचरण गर्नुपर्ने आवश्यकता छ।
क्याटेगोरी : समाचार
थप समाचार
धेरै पढिएका
प्रतिक्रिया दिनुहोस