नुवाकोट, भदौ १३ । ठूला तथा साना सवारी साधनका लागि विश्वप्रसिद्ध लुब्रिकेन्ट ब्रान्ड “भाल्भोलिन” अब नुवाकोटमा पनि उपलब्ध हुने भएको छ।
शुक्रबार बट्टारमा आयोजित एक कार्यक्रममा जगदिश्वर अटो मोटिभ्स प्रा.ली. मार्फत नुवाकोटका सवारीधनी तथा मेकानिकहरूका लागि यो इञ्जिन आयल उपलब्ध हुने जानकारी दिइएको हो। कम्पनीका प्रोप्राइटर राकेश गुप्ताले अमेरिकी बजारमै पहिलोपटक स्थापित भाल्भोलिन आज विश्वभर उच्च गुणस्तरका लागि परिचित रहेको र यही कारण नुवाकोटमा पनि यसको माग बढ्ने विश्वास व्यक्त गर्नुभयो।
कार्यक्रममा भाल्भोलिन इञ्जिन आयल नेपालका व्यवसाय प्रमुख मनोज बच्चनले नेपालमा चल्ने साना तथा ठूला सबै प्रकारका सवारी साधनका लागि भाल्भोलिन सबैभन्दा भरपर्दो र गुणस्तरीय इञ्जिन आयल भएको बताउनुभयो। उहाँका अनुसार नियमित मर्मत र उचित लुब्रिकेन्ट प्रयोगले मात्र सवारी साधनको आयु लम्ब्याउन सकिने भएकाले भाल्भोलिन चालक तथा मेकानिक दुवैका लागि उपयुक्त विकल्प हो।
त्यसैगरी जीएसटी ए–टु–जेड सप्लायर्सका प्रोप्राइटर तथा मेकानिक दिपक अर्यालले चालकको सुरक्षा मेकानिकको हातमै हुने भएकाले सवारीमा प्रयोग हुने सामान सधैं गुणस्तरीय हुनुपर्नेमा जोड दिनुभयो। उहाँले अन्य इञ्जिन आयलको तुलनामा भाल्भोलिन बढी भरपर्दो भएकाले सबै सवारीधनी र मेकानिकलाई यसको प्रयोग गर्न आग्रह गर्नुभयो।
भाल्भोलिन (Valvoline) सन् १८६६ मा स्थापना भएको अमेरिकी ब्रान्ड हो, जसलाई विश्वकै पहिलो इञ्जिन आयल ब्रान्ड मानिन्छ। आजसम्म १५० वर्षभन्दा बढीको इतिहास बोकेको यसले साना मोटरसाइकलदेखि ठूला ट्रक र औद्योगिक मेसिनसम्मका लागि लुब्रिकेन्ट उत्पादन गर्दै आएको छ। विश्वका १४० भन्दा बढी मुलुकमा उपलब्ध भाल्भोलिनलाई गुणस्तर, दीर्घायु र भरपर्दोपनका कारण अग्रणी ब्रान्डको रूपमा चिनिन्छ।
क्याटेगोरी : समाचार
थप समाचार
धेरै पढिएका
प्रतिक्रिया दिनुहोस