नेपाल सरकारका सञ्चार तथा सूचना प्रविधिमन्त्री बिक्रम तिमिल्सिना ले नुवाकोटको पञ्चकन्या गाउँपालिका स्थित घ्याङ्स्वारालाई काठमाडौं नजिकैको आकर्षक पर्यटकीय गन्तव्यका रूपमा चित्रण गरेका छन्।
समुद्री सतहबाट करिब १९०० मिटर उचाइमा अवस्थित घ्याङ्स्वाराबाट नुवाकोटको विराट प्राकृतिक दृश्य अवलोकन गर्न सकिने मन्त्री तिमिल्सिनाले उल्लेख गरेका छन्। हरियाली डाँडाकाँडा, मनमोहक वातावरण, सुन्दर चियाबारी तथा सहिद स्मृति पार्क यहाँका मुख्य आकर्षणका रूपमा रहेका छन्।
मन्त्री तिमिल्सिनाले आज बिहान घ्याङ्स्वारामै स्थानीय बोटबाट काफल र ऐंसेलु टिपेर खाने अवसर पाएको अनुभवसमेत साझा गरेका छन्। उनले प्राकृतिक स्वाद र ग्रामीण परिवेशले घ्याङ्स्वाराको यात्रालाई अझ विशेष बनाएको बताएका छन्।
“यदि काठमाडौंबाट छोटो समयमै प्रकृतिको काखमा पुगेर शान्त वातावरणको अनुभूति लिन चाहनुहुन्छ भने घ्याङ्स्वारा उत्कृष्ट विकल्प हुन सक्छ,” मन्त्री तिमिल्सिनाको भनाइ उद्धृत गर्दै उल्लेख गरिएको छ।
काठमाडौंबाट करिब दुई घन्टामै पुग्न सकिने घ्याङ्स्वारा पछिल्लो समय आन्तरिक पर्यटनको आकर्षक केन्द्र बन्दै गएको स्थानीयको भनाइ छ। प्राकृतिक सौन्दर्यसँगै यहाँको मौलिक ग्रामीण जीवनशैलीले पनि पर्यटकलाई आकर्षित गर्ने गरेको छ।
क्याटेगोरी : समाचार
थप समाचार
धेरै पढिएका
प्रतिक्रिया दिनुहोस