कुमार कट्टेल जिग्रिको ‘मायाले जीवन सजाउँ’ बोलको गित सार्वजनिक
रामहरि रिमाल
मंसीर १४ २०७८, मंगलबार २०:५८
जिग्रीले गाएका ‘मायाले जीवन सजाउँ’ बोलको गीत दाजुभाउजुको वैवाहिक वर्षगाँठको अवसर पारेर धुर्मुस सुन्तली युटुभ च्यानलबाट सार्वजनिक गरेका छन् ।
कुमार कट्टेल जिग्री र अस्मिता अधिकारीको स्वरमा रहेको गीतमा सीताराम कट्टेल धुर्मुस र कुञ्जना घिमिरे सुन्तलीको अभिनय रहेको छ। अर्जुन पोखरेलको शब्द संगीत रहेको गीतको भिडियोमा धुर्मुस सुन्तलीलाई वैवाहिक वर्षगाँठ मनाउन व्यस्त जोडिको रुपमा प्रस्तुत गरिएको छ। सीताराम कट्टेल ‘धुर्मुस’ र कुञ्जना घिमिरे ‘सुन्तली’को आज १४ औँ वैवाहिक वर्षगाँठ हो। दाजुभाउजुको वैवाहिक वर्षगाँठलाई थप विशेष बनाउनका लागि आफूले गाएको गीत सुम्पिएका जिग्रीले बताए । आफ्नो गीतमा दाजुभाउजुको अभिनय देख्न पाउँदा निकै हर्षित र खुशी भएको जिग्रीको प्रतिक्रिया रहेको छ। उनको यो गीत दोस्रो हो। कट्टेलले यस अघि पनि आफ्नै स्वरमा रहेको गीत ‘मञ्जुरी’ सार्वजनिक गरेका थिए । रामजी लामिछानेको कोरियोग्राफी एव्म निर्देशनमा बनेको भिडियोलाई राजेन्द्र मोक्तानले रंग संयोजन गरेका हुन् भने बन्दे प्रसादले सम्पादन गरेका छन् ।
क्याटेगोरी : बिबिध, भिडियो
ट्याग : #hot 100
थप समाचार
धेरै पढिएका
प्रतिक्रिया दिनुहोस