कुमार कट्टेल “जिग्री” को गित सार्वजनिक

रोशन बोगटी साउन ४ २०७८, सोमबार १९:२४

सक्किगोनिका चर्चित हास्य कलाकार , लेखक , निर्देशक कुमार कट्टेल ‘जिग्री’ले पहिलो पटक आफ्नै स्वर रहेको गीत सार्वजनिक गरेका छन्।

साउन ४ गते जन्मदिनको अवसर पारेर उनले उक्त गीत सार्वजनिक गरेका हुन्। उनले ‘मञ्जुरी’ नामको गीत The premier production युटुब च्यानल मार्फत सोमबार अपरान्ह पाँच बजे सार्वजनिक गरेका हुन् । माया प्रेममा आधारित रहेर तयार पारिएको गीतमा शब्द, लय र संगित भीम बिसीले गरेका छन् । यस्तै स्वर कुमार कट्टेल ‘जिग्री’ र मेलिना मैनालीको रहेको छ । गीतको भिडियो निर्देशन दीपक आचार्य ‘काकु’ले गरेका छन् भने अभिनय कुमार कट्टेल र रक्षा श्रेष्ठले गरेका छन्। उक्त गीतको सम्पादन प्रविन भट्टले गरेका छन् । असार महिनाको झरिलाई प्रस्ट पार्दै रोमान्टिक भिडियो रहेको कट्टेलले बताएका छन् ।