सिद्धार्थ हस्पिटालिटीको व्यवस्थापनमा होटल वाटर टावर

सिद्धार्थ ग्रुप र होटल वाटर टावरबिच ब्यवस्थापकिय साझेदारी नुवाकोटको बट्टारमा रहेको होटल वाटर टावर र सिद्धार्थ हस्पिटालिटी ग्रुप बिच ब्यवस्थापकिय साझेदारी भएको छ ।

२०७३ जेठ देखी संचालनमा आएको वाटर टावर लाई थप गुणस्तिरिय बनाउने उद्देश्यले साझेदारी गरिएको बिहिबार होटलमा पत्रकार सम्मेलन गर्दै सिद्धार्थ ग्रुपका प्रमुख कार्यकारी अधिकृत कृष्ण न्यौपानेले जानकारी दिए । न्यौपानेले २०७९ बैशाख १ गते बाट शिद्धार्थ होटल वाटरको नाम बाट संचालन हुने जानकारी दिदै बाग्मती प्रदेशमा आउने आन्तरिक तथा बाह्य पर्यटकलाई नुवाकोटमा भित्र्याउनको लागी गर्नुपर्ने गतिबिधि गर्ने र नुवाकोट लाई सम्बृद्ध बनाउन सहयोग गर्न बताउनु भयो ।

कार्यक्रममा होटल सञ्चालक समितिका सचिव ध्रुवप्रसाद रिमालले नुवाकोट जिल्ला लगायत बागमती प्रदेशमा होटल व्यवसायलाई थप गुणस्तरीय बनाउने उद्देश्यका साथ ग्रुपसँग व्यवस्थापकीय सहकार्य गरिएको बताए । ग्रुपले स्थानीयमा रोजगारीको सिर्जना, कृषि उपज उत्पादनको प्रबर्द्धनलगायत देशका अन्य शाखाहरुसमेत नुवाकोटको पर्यटनको प्रचारप्रसारसहित होटलको सेवा विस्तार गर्दै अघि बढ्ने बताईएको छ । ग्रुपसंग सम्झौता भएतापनि होटल हिमनदी पर्यटन सहकारीमार्फत सञ्चालित हुने छ ।