वेलकोटगढी नगरपालिका वडा नम्बर ६ ले अब आफ्नै भवन बाट सेवा प्रभाह गर्ने
वेलकोटगढी नगरपालिका वडा नम्बर ६ को नवनिर्मित भवनको उद्घाटन गरिएको छ । नवनिर्मित भवनको समुद्घाटन गर्नुहुदै नगरपालिकाका मेयर राजेन्द्ररमण खनालले भौतिक संरचना निर्माणमा नगरपालिकाले विशेष पहल गरिरहेको बताउनुभएको छ । नागरिकको नजिकको सरकारको रुपमा स्थानीय तह रहेता पनि वडा तहमा नागरिकको झनै वढी पहुच रहने भएकोले वडालाई बलियो बनाउदै लगिरहेको उहाँले बताउनुभएको छ । वडा कार्यहरु भाडाको घरबाट सञ्चालनमा आउदा आर्थिक भार पर्ने भएकोले नगरपालिकाले वडा कार्यलयहरु निर्माणमा प्राथमिकता दिइरहेको उहाँको भनाई छ । वडा कार्यलय केही महिना अघि नै निर्माण कार्य सम्पन्न भइसकेको भए पनि विविध कारणले सेवा सुचारु गर्न नसकिएकोले अव भने नयाँ भवनबाटै सेवा प्रवाह सुरु गरिने वडा अध्यक्ष अम्विका तामाङले बताउनुभएको छ । नगरपालिकाको ६७ लाख १० हजार रुपैयाँको लगानीमा वडा भवन निर्माण गरिएको वडा अध्यक्ष तामाङले जानकारी दिनुभएको छ ।
क्याटेगोरी : समाचार
ट्याग : #hot 100
थप समाचार
धेरै पढिएका
प्रतिक्रिया दिनुहोस