म्यागङ गाउँपालिकामा अवस्थित ५ वटा स्वास्थ्य चौकीलाई स्वास्थ्य सामाग्री
एकएक थान अक्सिजन कन्सन्ट्रेटर र पाँचपाँच वटा अक्सिमिटर प्रदान
म्यागङ गाउँपालिकामा अवस्थित ५ वटा स्वास्थ्य चौकीलाई एकएक थान अक्सिजन कन्सन्ट्रेटर र पाँचपाँच वटा अक्सिमिटर प्रदान गरिएको छ ।
नागरिक बर्ष नायक 2075का दिनेश तामाङ को सक्रीयता तथा म्यागङ गाउपालिकाका उप प्रमुख को पहल मा खाल्सा एड नामक सामाजिक सस्था मार्फत प्राप्त भएको ती सामाग्री बर्सुन्चेत स्वास्थ्य चौकी, सामरी स्वास्थ्य चौकी, थप सामरी स्वास्थय चौकी, किम्ताङ स्वास्थ्य चौकी र बुङताङ स्वास्थ्य चौकीलाई प्रदान गरिएको गाउँपालिकाका उपाध्यक्ष शान्ती लामाले जानकारी दिनुभएको छ । कोरोना भाइरस संक्रमितहरुलाई अक्सिजन अभावको कारण थप जोखिम निम्तन सक्ने समस्यालाई मध्यनजर गर्दै स्वास्थ्य चौकीहरुलाई अक्सिजन कन्सन्ट्रेटर प्रदान गरिएको हो ।
वुधवार एकै दिन ती सबै स्वास्थ्य चौकीमा पुगेर सामाग्री प्रदान गरिएको उपाध्यक्ष लामाले जानकारी दिनुभएको छ । स्थानीय स्तरमा सञ्चालित स्वास्थ्य चौकीहरुबाट पनि गुणस्तरीय स्वास्थ्य सेवा प्रवाह गर्नलाई अक्सिजन कन्सन्ट्रेटर र अक्सिमिटरले सहयोग पुराउने अपेक्षा गरिएको उहाँले बताउनुभएको छ ।
क्याटेगोरी : समाचार
ट्याग : #hot 100
थप समाचार
धेरै पढिएका
प्रतिक्रिया दिनुहोस