लक्ष्मी श्रेष्ठ
नुवाकोट
यो उकाली चढेर
त्यो ओराली झरेर
तादी अनि त्रिशुली तरेर
देउरालीमा दुई थुङ्गा फुल चढाएर
भञ्ज्याङमा एकैछिन सुस्ताएर
म आउनेछु ।।
हजुरको त्यो सुन्दर बस्तीमा
गोधुली साँझ पारेर
दुनियाँको आँखा छल्दै सुटुक्क आउनेछु
र हजुरसँग जुनिजुनि नछुटिने
अजम्बरी माया लगाउँनेछु ।।
सुख दुःख आधाआधा बाँडेर
हाँसो आँसु आपसमा साटेर
खुसीमय जीवनको यात्रा तय गर्न म आउनेछु मेरो हजुर
ढाँटेको होइन
साँच्चै म आउनेछु ,हो साँच्चै म आउनेछु ।।
क्याटेगोरी : मनोरञ्जन, साहित्य
ट्याग : #hot 100
थप समाचार
धेरै पढिएका
प्रतिक्रिया दिनुहोस