Techie IT
गृहपृष्ठसमाचारनुवाकोटको सम्भव पाण्डे अन्तर्राष्ट्रिय विज्ञान ओलम्पियाडका लागि चयन

नुवाकोटको सम्भव पाण्डे अन्तर्राष्ट्रिय विज्ञान ओलम्पियाडका लागि चयन


नुवाकोट, लिखु – ६ ।
ज्योतिकुन्ज एकेडेमी, लिखु–६, नुवाकोटका विद्यार्थी सम्भव पाण्डेले उल्लेखनीय सफलता हासिल गरेका छन्। उनले यस वर्षको Junior Science Olympiad मा नेपालभरि नै प्रथम स्थान हासिल गर्दै अन्तर्राष्ट्रिय स्तरमा नेपालको प्रतिनिधित्व गर्ने अवसर प्राप्त गरेका हुन्।

नेपालकै उत्कृष्ट  बन्दै अब सम्भव पाण्डे अन्तर्राष्ट्रिय Junior Science Olympiad मा सहभागी हुन रुस (Russia) प्रस्थान गर्ने तयारीमा रहेका छन्।

विद्यालयका प्रधानाध्यापक रबिन्द्र डङ्गोलले सम्भवको सफलताप्रति खुसी व्यक्त गर्दै भने, “सम्भव पाण्डे हाम्रो विद्यालय मात्र नभई नुवाकोटकै गौरव हुन्। उनले देखाएको लगनशीलता, मेहनत र जिज्ञासाले सबै विद्यार्थीलाई थप प्रेरित गर्नेछ। हामीले उहाँलाई आवश्यक शैक्षिक सहयोग निरन्तर गर्नेछौं र अन्तर्राष्ट्रिय स्तरमा पनि सफल हुनेमा पूर्ण विश्वास छ।”

शिक्षा क्षेत्रमा निरन्तर उत्कृष्टता देखाउँदै आएका पाण्डेले यो उपलब्धिलाई आफ्नो मेहनत, परिवारको समर्थन र विद्यालयको मार्गदर्शनको फल भनेका छन्। विद्यालय समुदाय र स्थानीयवासीले यो सफलतालाई गौरवको विषय मान्दै उनलाई बधाई तथा आगामी प्रतिस्पर्धामा सफलता प्राप्त गर्न शुभकामना व्यक्त गरेका छन्।

नुवाकोटका लागि सम्भव पाण्डेको उपलब्धि प्रेरणादायी कदमका रूपमा लिइएको छ।


क्याटेगोरी : समाचार


प्रतिक्रिया दिनुहोस