सन २०१६ देखि जर्मनीका विभिन्न शहरहरूमा निरन्तर आयोजना हुँदै आएको वार्षिक खेलकुद कार्यक्रमलाई निरन्तरता दिँदै यस वर्ष पनि गैरआवासीय नेपाली संघ (NRNA) जर्मनी राष्ट्रिय समन्वय परिषद् (NCC) ले ‘NRNA Germany Cup Football 2025’ आयोजना गर्ने भएको छ।
एनआरएनए जर्मनीको आयोजनामा एनएफटी म्युनिखको सहआयोजनामा हुने उक्त पुरुष तथा महिला फुटबल प्रतियोगिता आउँदो शनिबार, सेप्टेम्बर ६, २०२५ का दिन रमणीय शहर म्युनिखमा भव्य रूपमा सम्पन्न हुने भएको हो।
प्रतियोगितामा महिला तर्फ ५ र पुरुष तर्फ १५ गरी कुल २० टोलीको सहभागिता रहनेछ। सहभागी टिमहरूमा NFT Munich, NFC Hamburg, FC Berlin, NFC Stuttgart, NFC Bonn लगायत जर्मनीका प्रमुख शहरका फुटबल क्लबहरू रहेका छन्।
फाइनल खेल म्युनिखमै हुनेछ र विजयी टिमलाई नगद ५००० युरोसहित ट्रफी प्रदान गरिने आयोजक समितिले जनाएको छ।
“खेलकुदमार्फत आपसी सम्बन्ध मजबुत बनाउन तथा जर्मनीमा रहेका नेपाली युवाहरूबीच एकता र भाईचाराको भावना अभिवृद्धि गर्ने हाम्रो उद्देश्य संचालकन हुन लागेको प्रतियोगिताले सम्पूर्ण नेपालीहरुको खेल प्रतिको मोह बढाउन मद्द्त गर्ने हुनाले खेलाडीहरूको उत्साह बढाउन उपस्थितिको लागि एनआरएनए जर्मनीका प्रवक्ता शिवराम ढकालले अनुरोध समेत गर्नु भएको छ ।
क्याटेगोरी : समाचार
थप समाचार
धेरै पढिएका
प्रतिक्रिया दिनुहोस