नुवाकोट, भाद्र १० ।
नुवाकोटको ककनी गाउँपालिका–२ काउलेस्थित पासाङ ल्हामु सडक खण्डमा शनिबार मोटरसाइकल दुर्घटनामा एकजनाको ज्यान गएको छ।
शनिबार दिउँसो करिब १२:४० बजे काठमाण्डौबाट रानीपौवा तर्फ जाँदै गरेको बा.प्र.०२–०५५ प ५१४४ नम्बरको मोटरसाइकल अनियन्त्रित भई सडकबाट करिब १० मिटर तल खोल्सामा खसेको प्रहरीले जनाएको छ।
दुर्घटनामा चालक इलाम माईजोगमाई गाउँपालिका–५ का करिब ४०–४५ वर्षीय किरण राई गम्भीर घाइते भएका थिए। टाउको र मुखमा चोट लागेका राईलाई उद्धार गरी तत्काल उपचारका लागि काठमाडौंस्थित ग्रिन सिटी अस्पताल लगिएकोमा दिउँसो १:४५ बजे उपचारकै क्रममा मृत्यु भएको जिल्ला प्रहरी कार्यालय नुवाकोटले पुष्टि गरेको छ।
क्याटेगोरी : समाचार
थप समाचार
धेरै पढिएका
प्रतिक्रिया दिनुहोस