हाल देशभर मनसुनी वायुले प्रभाव जमाएको छ। जल तथा मौसम पूर्वानुमान महाशाखाका अनुसार मनसुनको न्यून चापीय रेखा पूर्वी नेपालमा सरदर स्थानको आसपास र पश्चिमतिर सामान्यतया केही उत्तरतिर सक्रिय छ। यसका कारण देशभर मौसममा उल्लेख्य परिवर्तन देखिएको छ।
आज दिउँसो देशभर साधारणतया बदली रहने अनुमान गरिएको छ। साथै सबै प्रदेशका केही स्थानमा मेघगर्जन र चट्याङसहित हल्कादेखि मध्यम वर्षाको सम्भावना रहेको महाशाखाले जनाएको छ। कोशी, बागमती, गण्डकी र कर्णाली प्रदेशका एकदुई स्थानमा भने भारी वर्षाको सम्भावना पनि रहेको छ।
देशका उच्चपहाडी तथा हिमाली क्षेत्रमा हल्कादेखि मध्यम वर्षा र हिमपात हुनसक्ने पूर्वानुमान गरिएको छ। मौसमविद्हरूले यस्तो मौसममा सतर्कता अपनाउन आग्रह गरेका छन्।
आज राति पनि देशभर साधारणतया बदली हुनेछ। कोशी, मधेस, बागमती, गण्डकी, लुम्बिनी र सुदूरपश्चिम प्रदेशका साथै अन्य केही स्थानहरूमा पनि मेघगर्जन र चट्याङसहित वर्षा हुने सम्भावना छ। कोशी र गण्डकी प्रदेशका केही स्थानमा राति पनि भारी वर्षा हुन सक्ने पूर्वानुमान गरिएको छ।
महाशाखाले पहिरो, बाढी र सडक अवरुद्धजस्ता जोखिमका लागि सचेत रहन सबैलाई आग्रह गरेको छ।
क्याटेगोरी : समाचार
थप समाचार
धेरै पढिएका
प्रतिक्रिया दिनुहोस