Techie IT
गृहपृष्ठसमाचारलिखु गाउँपालिकामा नि:शुल्क दन्त शिविर सम्पन्न, ३०५ जनाले पाए सेवा

लिखु गाउँपालिकामा नि:शुल्क दन्त शिविर सम्पन्न, ३०५ जनाले पाए सेवा


नुवाकोट – लिखु गाउँपालिका वडा नम्बर १ र २ को समन्वयमा, Around Good Peoples Reframing Dentistry (AGPRD), काठमाडौं र Airland डेन्टल विशेषज्ञ टोलीको प्राविधिक सहकार्यमा सातदिने नि:शुल्क दन्त शिविर सफलतापूर्वक सम्पन्न भएको छ।

add

२०८२ असार १७ देखि २३ गतेसम्म सञ्चालित उक्त शिविरमा दन्त समस्याबाट पीडित ३०५ जना सेवाग्राहीले प्रत्यक्ष रूपमा सेवा प्राप्त गरेका छन्। शिविर अवधिभर १११ जनाको दाँतमा सिमेन्ट भरिएको, ११४ जनाको दाँत सफा गरिएको, र ८० जनाको दाँत निकालिएको जानकारी आयोजकले दिएका छन्।

असार महिनामा कृषिको व्यस्तता हुँदा–हुँदै पनि उल्लेख्य संख्यामा नागरिकले शिविरमा सहभागिता जनाउनु स्वास्थ्यप्रति जनचेतना बढ्दो रहेको संकेत भएको स्थानीय जनप्रतिनिधिहरूको भनाइ छ।

शिविरको समापनमा बोल्दै आयोजक संस्थाका प्रतिनिधिहरूले सेवा प्रवाहमा सक्रिय सहकार्यका लागि गाउँपालिका र स्थानीय तहलाई धन्यवाद ज्ञापन गर्दै, आगामी आर्थिक वर्ष २०८२/८३ मा पालिका स्तरमै तीनवटा केन्द्र स्थापना गरेर अझ व्यवस्थित र विस्तृत दन्त शिविर सञ्चालन गर्ने योजना रहेको जानकारी दिएका छन्।

स्थानीय तहको सहकार्य र निजी क्षेत्रको प्राविधिक सहयोगमा सञ्चालित यस्ता शिविरहरू ग्रामिण भेगका नागरिकको स्वास्थ्य पहुँच विस्तारमा प्रभावकारी साबित हुने विश्वास स्थानीयवासीले व्यक्त गरेका छन्।


क्याटेगोरी : समाचार


प्रतिक्रिया दिनुहोस