परिच्छेद सेनको लेखन तथा निर्देशन रहेको नेपाली चलचित्र ‘प्रेमगञ्ज’ आगामी भदौ ३ गतेदेखि प्रर्दशन हुने भएको छ । चलचित्रमा प्रेमका विभिन्न स्वरुप र जीवन संघर्षका विषयमा चित्रण गरिएको छ ।
प्रदर्शनको अन्तिम तयारीमा रहेको नेपाली चलचित्र ‘प्रेमगञ्ज’ बैंकर्स कर्मचारीहरुको लगानीमा निर्माण गरिएको हो । नेपाली चलचित्र ‘प्रेमगञ्ज’को आधिकारिक ट्रेलर सार्वजनिक गरिएको छ । टेलर अत्यधिक दर्शकले रुचाएसँगै फिल्मले दर्शकको मन जित्ने निर्माताहरुले अपेक्षा गरेका छन् ।
पछिल्लो समय प्रेमिल जोडीहरुले भोग्ने समस्या र समाधानका पाटोसँगै जीवन संघर्षका विषयलाई प्राथमिकता राखिएको निर्माताहरु मध्यका एक निर्माता शुभाष नेपालले बताउनुभयो । ‘प्रेमगञ्ज’ चलचित्रमा बेनिशा हमाल र सम्पदा बानियाँसहित डेब्यु कलाकारहरु राइडर प्रशन, सुप्रिया खनाल र सिम्रन खड्का मुख्य भूमिकामा रहेको छ ।
चलचित्र ‘प्रेमगञ्ज’ को प्रदर्शनको तयारी अन्तिम चरणमा पुगेको छ । ‘फिल्म भदौ ३ गते देशभरका सिनेमाहलहरुमा प्रदर्शन हुदैछ ।
लामो समय वैंक तथा वित्तिय संस्थाहरुलाई कर्मथलो बनाएका अनन्तमान श्रेष्ठको बैंकर्स टिम , राजेन्द्र पाण्डे, दिनेश निरौला, गणेश भण्डारी, राजेश ढकाल, प्रकाश झा, अञ्जना श्रेष्ठ, निर्मला लामिछाने ,सुभाष नेपाल लगायतका बैंकर्स कर्मचारीहरुको फिल्ममा लगानी रहेको छ ।
क्याटेगोरी : भिडियो, मनोरञ्जन, समाचार
ट्याग : #hot 100, #Hot100
थप समाचार
धेरै पढिएका
प्रतिक्रिया दिनुहोस