मासिक १ सय रुपैयाँमा पढाई

रोशन बोगटी असोज ४ २०७८, सोमबार ११:३४

“कम शुल्कमा गुणस्तर शिक्षा सबैको लागि” भन्ने उद्घोष सहित विदुर नगरपालिका वडा नम्वर ४ हावाघरमा समता स्कुल सञ्चालन भइरहेको छ । विसं २०७४ सालमा विद्यार्थी भर्ना सुरु गरेको यस स्कुलमा हाल ४ कक्षासम्म पढाइ हुने गरेको छ । आर्थिक अवस्था कमजोर भएका परिवारका वालबालिकालाई भर्नामा विशेष प्राथमिकता दिएर पठनपाठन गराइने समता स्कुल नुवाकोटमा हाल १ सय १० जना विद्यार्थी अध्ययनरत रहेको छ ।

सरकारी विद्यालय र निजि विद्यायमा जस्तै गरी यस स्कुलमा भर्ना अभियान सञ्चालन हुने गरेको छ । यस स्कुलमा वट्टार र आशपासका बालबालिकाहरु अध्ययन गरिरहेका छन् । हरेक शैक्षिक सत्रबाट बढाउदै कक्षा १२ सम्म पठनपाठन गराउने लक्ष्य समता स्कुल नुवाकोटले लिएको छ ।