नेपाल कम्युनिस्ट पार्टी (नेकपा ) शिवपुरीले गाउँपालिकालाई ज्ञापनपत्र बुझाएको छ ।
आइतबार नेपाल कम्युनिस्ट पार्टी (नेकपा) शिवपुरीका अध्यक्ष बीरबहादुर तामाङको अगुवाइमा रहेको एक नेतृत्वले गाउँपालिकाका अध्यक्ष रामकृष्ण थापालाई ज्ञापनपत्र बुझाएको हो।
ज्ञापनपत्र बुझाउदै नेकपा शिवपुरीका अध्यक्ष बीरबहादुर तामाङले गाउँपालिका मातहतका योजना तर्जुमा कार्यन्वयन सम्बन्धमा नेकपाको सुझावलाई मतभेद नगर्न सुझाएका छन ।
त्यस्तै नेकपाका जिल्ला सदस्य जितेन्द्र बिष्टले संघ र प्रदेशबाट गाउँपालिकालाई विनियोजित रकमको पारदर्शितापुर्ण हिसाब (आयव्यय) प्रस्तुत गर्न गाउँपालिकालाई अनुरोध गरे ।
गाउँपालिकाका अध्यक्ष रामकृष्ण थापाले विगतमा नेकपाको माग र सल्लाहलाई पुर्णरुपमा सम्बोधन गरेको बताए । गाउँपालिकाका प्रमुख प्रशासकीय अधिकृत किसान न्यौपानेले प्रदेश तथा केन्द्र बाट आएका केहि योजना बाहेक सबै योजना कार्य सम्पादन भएको जानकारी दिए । सेवा क्षेत्र मातहतका कुनैपनी कार्यक्रम तथा योजना सर्वपक्षीय सहमति विना अगाडि बढ्न नसकिने उनको भनाइ थियो ।
क्याटेगोरी : समाचार
थप समाचार
धेरै पढिएका
प्रतिक्रिया दिनुहोस